اورنگی ٹاؤن میں گھر کے اندر سلنڈر دھماکا،ایک شخص اور بچہ جھلس کر زخمی

کراچی کے اورنگی ٹاؤن میں جمعرات کو ایک گھر کے اندر سلنڈر دھماکے کے نتیجے میں ایک شخص اور ایک بچہ جھلس کر زخمی ہوگئے۔ دھماکہ سیکٹر ساڑھے گیارہ، غازی آباد، جمرات بازار کے قریب پیش آیا۔

ریسکیو ذرائع کے مطابق زخمیوں کو فوری طور پر ایدھی ایمبولینس کے ذریعے سول اسپتال کے برنس وارڈ منتقل کر دیا گیا۔ زخمیوں کی شناخت شبیر ولد رفیق (32 سال) اور آیان ولد شبیر (10 سال) کے نام سے ہوئی ہے۔

پولیس اور متعلقہ حکام نے واقعے کی تحقیقات شروع کر دی ہیں تاکہ دھماکے کی اصل وجہ معلوم کی جا سکے اور مزید حفاظتی اقدامات یقینی بنائے جائیں۔