کائٹ فلائنگ ایکٹ 2025 کیخلاف درخواستیں سماعت کیلئےمقرر

لاہور ہائیکورٹ نے کائٹ فلائنگ ایکٹ 2025 کے خلاف دائر درخواستیں سماعت کے لیے مقرر کر دی ہیں۔ جسٹس اویس خالد 26 جنوری کو ان درخواستوں پر سماعت کریں گے۔

درخواستیں شیخ امتیاز سمیت دیگر درخواست گزاروں کی جانب سے دائر کی گئی ہیں جن میں مؤقف اختیار کیا گیا ہے کہ کائٹ فلائنگ ایکٹ 2025 غیر قانونی ہے۔ درخواست گزاروں نے عدالت سے استدعا کی ہے کہ یہ ایکٹ کالعدم قرار دیا جائے۔

عدالت نے اس معاملے پر پنجاب حکومت سے پہلے ہی تفصیلی رپورٹ طلب کر رکھی ہے، جس پر سماعت کے دوران مزید دلائل سنے جائیں گے۔