ملک بھر میں آٹے کی قیمت میں  بڑا اضافہ

ملک بھر میں آٹے کی قیمت میں  بڑا اضافہ ہو گیا ہے، جس کے نتیجے میں بیس کلو آٹے کا تھیلا 3 ہزار روپے تک پہنچ گیا ہے۔ سب سے زیادہ مہنگا آٹا بنوں اور پشاور میں دستیاب ہے۔

وفاقی ادارہ شماریات کے مطابق بنوں اور پشاور میں بیس کلو آٹے کی قیمت 3 ہزار روپے تک پہنچ گئی ہے، جبکہ اسلام آباد میں 2960 روپے، راولپنڈی میں 2933 روپے، کوئٹہ میں 2850 روپے، حیدرآباد میں 2760 روپے اور کراچی میں 2700 روپے ہے۔

سرگودھا میں بیس کلو آٹے کا تھیلا 2667 روپے، ملتان، فیصل آباد، سکھر اور خضدار میں 2600 روپے میں فروخت ہو رہا ہے۔ سیالکوٹ میں 2540 روپے، بہاولپور میں 2506 روپے، لاڑکانہ میں 2500 روپے اور گوجرانوالہ میں 2467 روپے میں دستیاب ہے۔

لاہور کے شہری سب سے کم قیمت میں بیس کلو آٹے کا تھیلا خرید رہے ہیں، جہاں یہ 1850 روپے میں فروخت ہو رہا ہے۔