بنوں:ڈومیل مہاجر کیمپ کے قریب امن کمیٹی کے رکن فائرنگ سےجاں بحق

 

بنوں: ڈومیل مہاجر کیمپ کے قریب نامعلوم مسلح افراد نے امن کمیٹی کے رکن خواجت اللہ پر فائرنگ کر دی، جس کے نتیجے میں وہ موقع پر جاں بحق ہوگئے جبکہ ان کا کزن نسیم اللہ شدید زخمی ہوا۔

پولیس کے مطابق واقعہ اس وقت پیش آیا جب خواجت اللہ کیمپ کے قریب ایک دکان سے سامان خرید کر واپس آ رہے تھے۔

زخمی کو فوری طور پر قریبی ہسپتال منتقل کیا گیا ہے جہاں اس کی حالت تشویشناک بتائی جا رہی ہے۔

حکام نے جائے وقوعہ کو گھیرے میں لے کر شواہد اکٹھے کر لیے ہیں اور واقعے کی تحقیقات شروع کر دی گئی ہیں۔ حملہ آور فرار ہونے میں کامیاب ہو گئے۔