افواجِ پاکستان کی قربانیوں کو خراجِ تحسین پیش کرتے ہوئے نیا نغمہ ریلیز

اسلام آباد: آئی ایس پی آر کی جانب سے افواجِ پاکستان کی عظیم قربانیوں کو خراجِ تحسین پیش کرنے کے لیے نیا نغمہ ریلیز کیا گیا ہے۔

یہ نغمہ افواجِ پاکستان کے عزم، حوصلے اور فرض شناسی کو اجاگر کرتا ہے، جو شدید موسمی حالات، برفانی طوفان اور ناقابل برداشت سردی میں وطن کی سرحدوں کے دفاع اور مشکل میں گھری قوم کی خدمت میں مصروف ہیں۔

نغمے میں یہ پیغام دیا گیا ہے کہ پاک فوج ہر قسم کے خطرات کا مردانہ وار مقابلہ کرتے ہوئے اپنی ذمہ داریاں انجام دے رہی ہے اور ہر محاذ پر قوم کی امیدوں پر پوری اترتی ہے۔

قدرتی آفات اور آزمائش کی ہر گھڑی میں قوم افواجِ پاکستان کو اپنا مضبوط سہارا سمجھتی ہے، اور نغمے کے سحر انگیز بول اور دل کو چھو لینے والی آواز پوری قوم کی پاک فوج سے محبت، اعتماد اور فخر کی عکاسی کرتی ہے۔