پنجاب کے تمام اسکولوں میں مصنوعی ذہانت کی تعلیم شروع ، مریم نواز کا اعلان

لاہور: پنجاب حکومت نے صوبے کے تمام سرکاری اسکولوں میں مصنوعی ذہانت (AI) کی تعلیم شروع کر دی ہے، جس کے تحت کلاس ششم سے آٹھویں تک کے طلبا کو کمپیوٹر سائنس یا AI میں سے انتخاب کرنے کا موقع دیا گیا ہے۔

وزیراعلیٰ پنجاب مریم نواز نے کہاکہ آج سے پنجاب کے تمام سرکاری اسکولوں میں مصنوعی ذہانت کی تعلیم کا آغاز کیا جا رہا ہے۔ ہر بچہ، بلا امتیاز، جدید ڈیجیٹل اور تجزیاتی آلات اور جدید دنیا سے مقابلہ کرنے کے لیے ضروری مہارتوں سے لیس ہوگا۔

From today, Artificial Intelligence education is being launched in all government schools of Punjab.
Every child, without discrimination, will be equipped with modern digital and analytical tools and skills essential for competing with the modern world.

This is Punjab’s historic…

— Maryam Nawaz Sharif (@MaryamNSharif) January 27, 2026

وزیراعلیٰ پنجاب مریم نواز نے صوبے کے تمام اسکولوں میں مصنوعی ذہانت یعنی اے آئی کے استعمال کو لازمی قرار دیتے ہوئے اس مقصد کے لیے پنجاب میں گوگل ٹیک ویلی ڈیجیٹل ٹرانسفارمیشن ایڈوائزری بورڈ قائم کرنے کا فیصلہ بھی کیا ہے۔

بتایا گیا ہے کہ پنجاب کابینہ کے ارکان کی طرف سے لاہور میں منعقد ہونے والی آفیشل ورکشاپ ’امپاورنگ پنجاب ود اے آئی‘ کا باقاعدہ آغاز کیا گیا، جس کی قیادت وزیراعلیٰ مریم نواز نے کی جہاں ملکی تاریخ میں پہلی مرتبہ وزرا کو اے آئی کی باقاعدہ ٹریننگ دے دوران ورکشاپ میں پنجاب کابینہ کے ارکان کو گوگل جیمنائی کے مؤثر استعمال پربریفنگ دی گئی۔