سانحہ گل پلازہ:حتمی رپورٹ تیار،آگ لگنے کی وجہ سامنے آگئی

کراچی: کمشنر کراچی کی زیر نگرانی تحقیقاتی کمیٹی نے سانحہ گل پلازہ کی حتمی رپورٹ تیار کر لی۔

رپورٹ کے مطابق گراؤنڈ فلور پر واقع فلاور شاپ میں ایک بچے کے ہاتھوں آگ لگنے سے یہ تیزی سے پھیلی اور ایئرکنڈیشن کے ڈکٹس کے ذریعے دیگر حصوں تک پہنچ گئی۔

رپورٹ میں بتایا گیا کہ اس سانحے میں مجموعی طور پر 79 افراد جاں بحق ہوئے، جن میں زیادہ تر اموات میزنائن فلور پر ہوئیں۔

فائر بریگیڈ کو اطلاع رات 10 بج کر 26 منٹ پر دی گئی جبکہ پہلا فائر ٹینڈر 11 منٹ بعد پہنچا۔ ریسکیو 1122 کا عملہ رات 10 بج کر 53 منٹ پر جائے وقوعہ پر پہنچا۔

تحقیقاتی رپورٹ میں آگ بجھانے اور ریسکیو آپریشن کی تفصیلات کے ساتھ متاثرین اور عینی شاہدین کی معلومات بھی شامل کی گئی ہیں۔