سہیل آفریدی کو گرفتار کرکے عدالت میں پیش کرنے کا حکم

اسلام آباد کی عدالت نے وزیراعلیٰ خیبر پختونخوا سہیل آفریدی کو گرفتار کرکے پیش کرنے کا حکم دے دیا۔

ڈسٹرکٹ اینڈ سیشن کورٹس اسلام آباد نے وزیراعلیٰ سہیل آفریدی کے خلاف ریاستی اداروں پر گمراہ کن الزامات لگانے کے کیس میں گرفتار کرکے پیش کرنے کا حکم دیا ہے۔

سینئر سول جج عباس شاہ نے کیس کی سماعت کی اور وزیراعلیٰ خیبر پختونخوا کے ناقابل ضمانت وارنٹ گرفتاری جاری کردیے۔

عدالت نے کیس کی سماعت 10 فروری تک ملتوی کردی، سہیل آفریدی کے خلاف پیکا ایکٹ کے تحت این سی سی آئی اے نے مقدمہ درج کر رکھا ہے۔