یاسین ملک پر مقدمے میں مزید سماعت کی تاریخ 22 اپریل مقرر

 

دہلی ہائی کورٹ میں کشمیری حریت پسند رہنما یاسین ملک کیس کی سماعت ہوئی۔

یاسین ملک ویڈیو لنک کے ذریعے عدالت میں پیش ہوئے۔
سماعت بھارتی تحقیقاتی ایجنسی کی درخواست پر تھی جس میں انہوں نے یاسین ملک کی عمر قید کو سزائے موت میں تبدیل کرنے کی اپیل دائر کی ہوئی ہے۔

عدالت میں بحث ہوئی دونوں طرف کے وکلا نے دلائل پیش کیے۔
یاسین ملک نے عدالت میں کہا کہ بار بار سماعت کی تاریخیں لی جا رہی ہیں جس سے مقدمے کی شفافیت متاثر ہو رہی ہے، وہ اپنے موقف کو عدالت کے سامنے پیش کرنے کے لیے تیار ہیں اور اپنے حقوق کے تحفظ کے لیے پرعزم ہیں تاہم عدالت نے کوئی فیصلہ نہیں سنایا۔

عدالت نے این آئی اے کو مزید وقت دیتے ہوئے جواب جمع کرانے کی ہدایت کی اور اگلی سماعت 22 اپریل 2026 کو مقرر کر دی۔