سانحۂ گل پلازا:اینٹی مارٹم ڈیٹا سے مزید 12 افراد کی شناخت

کراچی: سانحۂ گل پلازا میں جھلس کر جاں بحق ہونے والے مزید 12 افراد کی باقیات کی شناخت کر لی گئی ہے۔

سی پی ایل سی ذرائع کے مطابق شناخت اینٹی مارٹم ڈیٹا اور گل پلازا میں پروف آف پریزنس کے ذریعے کی گئی۔ نارتھ ناظم آباد سے شاپنگ کے لیے آئی فیملی کے 3 افراد — عمر نبیل، ان کی اہلیہ ڈاکٹر عائشہ اور بیٹے علی — کی باقیات بھی شامل ہیں۔

مزید 9 افراد میں خضر علی، حیدر علی، عامر علی، ابوبکر، یاسین، صداقت اللّٰہ، یوسف خان، نعمت اللّٰہ اور عبداللّٰہ شامل ہیں۔

شناخت کے بعد جاں بحق 12 افراد کی باقیات لواحقین کے حوالے کر دی گئی ہیں۔ اب تک سانحۂ گل پلازا میں جاں بحق 39 افراد کی شناخت ہو چکی ہے۔ سی پی ایل سی کے مطابق 20 افراد کی شناخت ڈی این اے، 6 کی چہرہ شناسی اور ایک کی شناختی کارڈ کے ذریعے ہوئی۔ سانحہ میں مجموعی طور پر 72 افراد جاں بحق ہوئے تھے۔