پشاور:ایف سی ہیڈکوارٹر پر خودکش حملے میں سہولت کار افغانی نکلے

پشاور: فیڈرل کانسٹیبلری (ایف سی) ہیڈکوارٹر پر ہونے والے خودکش حملوں کی تفتیش میں اہم پیشرفت سامنے آئی ہے۔ تفتیشی حکام کے مطابق خودکش دھماکوں کے سہولت کاروں کا تعلق بھی افغانستان سے ہے اور حملوں کی منصوبہ بندی بھی افغانستان میں کی گئی تھی۔

حکام نے بتایا کہ واقعے سے متعلق اہم گرفتاریاں عمل میں لائی گئی ہیں۔ یاد رہے کہ یہ حملہ گزشتہ سال 24 نومبر کو ایف سی ہیڈکوارٹرز پر ہوا تھا، جس میں فیڈرل کانسٹیبلری کے 3 جوان شہید اور 5 زخمی ہوئے تھے، جبکہ 8 شہری بھی زخمی ہوئے تھے۔ تفتیشی حکام کے مطابق تینوں خودکش بمبار افغان شہری تھے۔