قاسم خان سوری نے کیا ناسا میں ڈائریکٹر لگنا تھا؟عابد شیر علی

لاہور : لیگی رہنما عابد شیر علی کا کہنا ہے امریکا کو امکانات کا جہاں کہا جاتا ہے ، جہاں کوئی بھی اپنی قابلیت کے حساب سے نہ صرف ترقی کر سکتا ہے بلکہ کسی کو بھی ترقی میں پیچھے چھوڑ سکتا ہے۔

اپنے ایکس بیان میں انہوں نے کہا یوتھیوں نے کئی روز سے رونا ڈال رکھا ہے کہ قاسم خان سوری امریکا میں اوبر چلا کے گزارا کر رہے ہیں، جناب اس نے اوبر نہیں چلانی تھی تو کیا ناسا میں ڈائریکٹر لگ جانا تھا؟

امریکہ کو امکانات کا جہاں کہا جاتا ہے جہاں کوئی بھی اپنی قابلیت کے حساب سے نہ صرف ترقی کر سکتا ہے بلکہ کسی کو بھی ترقی میں پیچھے چھوڑ سکتا ہے۔
یوتھیوں نے کئی روز سے رونا ڈال رکھا ہے کہ قاسم سوری امریکہ میں اوبر چلا کے گزارا کر رہا ہے۔
جناب اس نے اوبر نہیں چلانی تھی تو کیا ناسا… https://t.co/9AxcuUcBlu

— Abid Sher Ali (@AbidSherAli) February 5, 2026

گزارش ہے کہ یہ ڈوب مرنے کا مقام ہے کہ جس شخص کی کل حیثیت اوبر چلانے والے ڈرائیور کی تھی اسے میرٹ کے دعوے کرنے والوں نے پاکستان کی قومی اسمبلی جو کہ قانون ساز اسمبلی ہوتی ہے ،کا ڈپٹی اسپیکر بنا دیا تھا  اور پھر اس اوبر ڈرائیور نے پاکستان کا آئین توڑ کے اپنی قابلیت کا اظہار بھی کر دیا تھا۔ پی ٹی آئی میں میرٹ صرف نک دا کوکا پر اچھا ڈانس ہوتا ہے۔

 امریکا میں اوبر ڈرائیونگ کر کے اپنا گزارا کر رہاہوں، سابق ڈپٹی اسپیکر قاسم خان سوری

پاکستان کے سابق ڈپٹی اسپیکر اور پاکستان تحریک انصاف کے سینیئر رہنما قاسم خان سوری کا کہنا ہے مالی مشکلات کی وجہ سے وہ اب امریکا میں اوبر ڈرائیونگ کر کے اپنا گزارا کر رہے ہیں۔ ہمیشہ ایمانداری کو ترجیح دی اور اب بھی عمران خان کے نظریے کے ساتھ جڑے ہوئے ہیں۔

قاسم خان سوری نے گفتگو میں کہا کہ وہ مالی مشکلات کا سامنا کر رہے ہیں اور کبھی سوچا بھی نہیں تھا کہ انہیں اوبر جیسا کام کرنا پڑے گا۔ میں نے چوری کی راہ اختیار کرنے کی بجائے ایمانداری کو منتخب کیا۔

انہوں نے اپنے سیاسی مؤقف پر زور دیتے ہوئے کہا کہ وہ اب بھی تحریک انصاف کے نظریے کے ساتھ کھڑے ہیں اور پاکستان میں انصاف اور سیاسی حقوق کے لیے جدوجہد جاری رکھے ہوئے ہیں، خاص طور پر عمران خان اور ان کے خاندان کے قانونی مسائل کے حوالے سے۔

قاسم سوری جو سابق ڈپٹی سپیکر قومی اسمبلی تھے آج کل امریکہ میں اوبر گاڑی چلا کر گزارا کررہے ہیں کیونکہ پاکستان میں جھوٹے کیسز بنا کر انکی تمام جائیدادیں نیلام کردی گئی ہیں اور انکے بینک اکاؤنٹس منجمد کردیئے گئے ہیں
قاسم سوری اگر عمران خان کے خلاف گواہ بن جاتے تو آج وہ بھی شاید اس… pic.twitter.com/r8odL4AWia

— Niazi (@Faruqniazi) February 4, 2026

انہوں نے بتایا کہ 2018 سے پہلے وہ کوئٹہ میں اپنے گھر پر اعلی سیاسی شخصیات جیسے عمران خان اور ڈاکٹر عارف علوی کو بھی مہمان بنایا کرتے تھے، اور خود کو ایک درمیانے طبقے کا پاکستانی قرار دیا جو عزت کے ساتھ اور ایمانداری سے زندگی گزارتا ہے۔