حیدرآباد:خوفناک ٹریفک حادثے،خاتون سمیت 4 افراد جاں بحق

حیدرآباد کے نواحی علاقے ٹنڈ و جام میں ایک خوفناک ٹریفک حادثے میں حاملہ خاتون سمیت چار افراد جاں بحق ہو گئے۔ پولیس ذرائع کے مطابق حادثہ کسانہ موری کے قریب پیش آیا جب ایک تیز رفتار کار بے قابو ہو گئی اور حادثے کا شکار ہو گئی۔

حادثے میں ایک خاتون زخمی بھی ہو گئی جنہیں فوری طور پر قریبی ہسپتال منتقل کیا گیا۔ جاں بحق ہونے والے افراد کی لاشیں بھی ہسپتال پہنچا دی گئی ہیں۔ متاثرہ افراد کا تعلق میرواہ سے بتایا گیا ہے۔

پولیس اور ریسکیو حکام نے موقع پر پہنچ کر امدادی کارروائیاں مکمل کی ہیں اور شہریوں سے کہا ہے کہ سڑک پر احتیاطی اقدامات پر عمل کریں تاکہ ایسے افسوسناک حادثات سے بچا جا سکے۔