پورے ملک نے پہیہ جام ہڑتال کی کال مسترد کردی، وزیراعلیٰ سندھ

کراچی: وزیراعلیٰ سندھ سید مراد علی شاہ نے کہا ہے کہ پورے ملک نے پہیہ جام ہڑتال کی کال کو مسترد کردی۔

ایکسپو سینٹر میں مائی کراچی نمائش کی اختتامی تقریب کے دوران وزیر اعلیٰ سندھ نے مختلف اسٹالز کا معائنہ کیا اور پھر تقریب سے خطاب بھی کیا۔

انہوں نے کہا کہ پورے ملک نے پہیہ جام پڑتال کی کال کو مسترد کیا،  ملک ہڑتال جیسی کال کا متحمل نہیں ہوسکتا۔

سید مراد علی شاہ نے مزید کہا کہ اتوار کو بھی شہریوں نے اپنی دکانیں کھولیں، اسلام آباد سانحہ پر کراچی کے شہری افسردہ تھے۔

اُن کا کہنا تھا کہ کئی دوست ممالک نے بھی اسٹالز لگائے اور اپنی مصنوعات پیش کیں، ہم نے کراچی میں عمارتوں کا سروے کرایا ہے۔

وزیراعلیٰ سندھ نے یہ بھی کہا کہ کے فور کی شروعات 10 سے 11 سال پہلے ہوئی تھی، اس پر میں کسی اور کو نہیں اپنے آپ کو الزام دیتا ہوں۔

انہوں نے کہا کہ وفاق نے کہا تھا کہ مین لائن کا کام ہم خود کریں گے، ایک صاحب نے 3، 4 سال کےلیے کے فور پر کام رکوا دیا۔