صنعتکاروں کے لیے بجلی سستی ، گھریلو صارفین پر بوجھ ڈال دیا، فکسڈ چارجز عائد

اسلام آباد:نیپرا نے گھریلو صارفین پر فکسڈ چارجز عائد کرنے کا اعلان کیا ہے،300 یونٹ ماہانہ تک کےگھریلو صارفین پر بھی فکسڈ  چارجز  لگادیے۔ یہ چارجز ماہانہ بنیادوں پر بجلی کے بلوں کے ذریعے وصول کیے جائیں گے۔ دوسری جانب صنعتی صارفین کے لیے بجلی کے فی یونٹ نرخ میں نمایاں کمی کی گئی ہے۔

نیپرا نے فکسڈ چارجز کے حوالے سے پاور ڈویژن کی درخواست پر فیصلہ جاری کردیا۔فکسڈ چارجز   پروٹیکٹڈ  اور نان پروٹیکٹڈ  صارفین  پر لگائےگئے ہیں،  اس سے پہلے صرف 300 یونٹ سے زائد استعمال کے نان پروٹیکٹڈ صارفین پر فکسڈ چارجز عائد تھے۔نیپرا فیصلےکے مطابق ماہانہ 100یونٹ استعمال کرنے  والے  پروٹیکٹڈ صارفین  پر 200 روپے فکسڈ چارجز عائد کیے گئے ہیں۔ماہانہ 200  یونٹ  بجلی استعمال کرنے  والے  پروٹیکٹڈگھریلو صارفین  پر 300 روپے ماہانہ فکسڈ  چارجز  عائدکیےگئے ہیں۔

100یونٹ تک کے نان پروٹیکٹڈ صارفین  پر 275 روپے ماہانہ فکسڈ چارجز عائد کیےگئے ہیں۔ماہانہ 200  یونٹ تک کے نان پروٹیکٹڈ صارفین  پر 300  روپے فکسڈ  چارجز عائد کیےگئے ہیں۔  ماہانہ 300 یونٹ تک استعمال کے نان پروٹیکٹڈ صارفین  پر 350 روپے فکسڈ چارجز عائد کیےگئے ہیں۔

نیپرا  فیصلےکے مطابق   ماہانہ 301  سے 400 یونٹ تک کے نان  پروٹیکٹڈ صارفین  پر فسکڈ چارجز 200  روپے اضافے سے 400 روپےکردیےگئے ہیں۔ ماہانہ 401 سے 500 یونٹ استعمال کے نان پروٹیکٹد صارفین پر 100 روپے اضافے سے فکسڈ چارجز 500 روپے مقررکیےگئے ہیں۔

نیپرا نے صنعتی صارفین کے لیے بجلی کی قیمت فی یونٹ چار روپے 40 پیسے کم کر دی ہے، جس سے نرخ 33 روپے سے کم ہو کر 29 روپے فی یونٹ ہو گئے ہیں۔ گھریلو صارفین کے لیے بھی فی یونٹ قیمت میں معمولی کمی کی گئی ہے، تاہم فکسڈ چارجز کے نفاذ سے ان پر مجموعی طور پر بوجھ بڑھ گیا ہے۔