کیا دودھ پینے سے چہرے پر دانے بڑھ سکتے ہیں؟

کیا دودھ واقعی چہرے پر دانوں کا سبب بنتا ہے؟ ماہرین کے مطابق بعض افراد میں خاص طور پر فلٹر شدہ یا چکنائی سے پاک دودھ کا زیادہ استعمال جلد کے مسائل کو بڑھا سکتا ہے۔

ماہرین کا کہنا ہے کہ اس قسم کے دودھ میں موجود ہارمونز اور انسولین جیسے اجزاء جلد میں تیل کی مقدار بڑھا سکتے ہیں، جس سے چہرے پر دانے نکلنے کے امکانات زیادہ ہو جاتے ہیں۔

اس حوالے سے امریکن اکیڈمی آف ڈرماٹولوجی کے جریدے میں شائع ہونے والی تحقیق میں بتایا گیا کہ روزانہ دودھ پینے والے نوجوانوں میں دانوں کے مسائل نسبتاً زیادہ دیکھے گئے۔ تاہم تحقیق میں یہ بھی واضح کیا گیا کہ قدرتی دہی یا کم پراسیس شدہ دودھ کے اثرات کم محسوس کیے گئے۔

ماہرین کے مطابق ہر شخص کے جسم کا ردعمل مختلف ہوتا ہے، اس لیے ضروری نہیں کہ دودھ ہر فرد میں ایک جیسا اثر پیدا کرے۔ لیکن اگر کسی کے چہرے پر بار بار دانے نکلتے ہیں تو وہ کچھ عرصے کے لیے دودھ یا فلٹر شدہ ڈیری مصنوعات کم کر کے دیکھ سکتا ہے۔

ماہرین کا مزید کہنا ہے کہ چہرے کی جلد کو بہتر رکھنے کے لیے زیادہ پانی پینا، سبز سبزیوں کا استعمال بڑھانا اور زیادہ پراسیس شدہ میٹھے کھانوں سے پرہیز بھی مفید ثابت ہو سکتا ہے۔

اگر آپ کے چہرے پر بار بار دانے نکلتے ہیں تو یہ سوچنا ضروری ہے کہ کہیں اس کا تعلق دودھ کے زیادہ استعمال سے تو نہیں۔