جنگ کا دوسرا ہفتہ- 8 سے 16 مارچ: آبنائے ہرمز کی بندش امریکہ کیلئے مشکل بن گئی

ایران جنگ کے دوران پاکستان سخت اقتصادی دباؤ میں ہے۔ ایسے میں خبریں آئی ہیں کہ پاکستان نے سعودی عرب کے سامنے 8 درخواستیں رکھی ہیں۔

ترکیے کی وزارتِ دفاع نے کہا ہے کہ ایرانی بیلسٹک میزائل کے ترک فضائی حدود میں داخل ہونے کے بعد کسی بھی خطرے کے خلاف تمام ضروری اور فیصلہ کن اقدامات کیے جائیں گے۔

ترکیے کی وزارتِ دفاع نے تازہ بیان میں خبردار کیا ہے کہ ملک اپنی سرزمین اور فضائی حدود کو لاحق کسی بھی خطرے کے خلاف “تمام ضروری اقدامات” اٹھانے میں ہچکچاہٹ نہیں دکھائے گا۔ وزارت کے مطابق ایران سے داغا گیا ایک بیلسٹک میزائل ترک فضائی حدود میں داخل ہونے پر روک لیا گیا۔

وزارتِ دفاع کے بیان میں کہا گیا کہ ترکیہ ہمسایہ ممالک کے ساتھ اچھے تعلقات اور خطے کے استحکام کو بہت اہمیت دیتا ہے، تاہم اگر ملک کی سرزمین یا فضائی حدود کو کوئی خطرہ لاحق ہوا تو اس کے خلاف فیصلہ کن کارروائی کی جائے گی۔

بیان میں مزید کہا گیا کہ اس حوالے سے ترکیے کی وارننگز کو سنجیدگی سے لینا سب کے مفاد میں ہے۔

واضح رہے کہ گزشتہ ہفتے بھی ترکیے نے ایران پر اپنے علاقے کی جانب میزائل فائر کرنے کا الزام عائد کیا تھا، تاہم ایران کی مسلح افواج نے اس الزام کی تردید کر دی تھی۔

ابوظہبی حکام کے مطابق دو مختلف مقامات پر ایرانی حملوں کو روکنے کے بعد ملبہ گرنے سے دو افراد زخمی ہوئے ہیں، جن میں سے ایک کو معمولی اور دوسرے کو درمیانے درجے کے زخم آئے ہیں۔

اس سے پہلے متحدہ عرب امارات کی وزارتِ دفاع نے کہا تھا کہ اس نے ایران کی جانب سے داغے گئے میزائل اور ڈرون حملوں کا جواب دیا۔

بحرین کی سرکاری توانائی کمپنی بابکو نے اعلان کیا ہے کہ اس نے ’غیر معمولی حالات‘ کے باعث معاہدے معطل کر دیے. کیونکہ مشرقِ وسطیٰ میں جاری جنگ اور حالیہ ریفائنری پر حملے کے باعث اس کی سرگرمیاں متاثر ہوئی ہیں۔

ایران میں نئے سپریم لیڈر مجتبیٰ
خامہ ای کے اعلان کے بعد
بڑے اجتماعات اور نعرے

لوگ سڑکوں پر نکل آئے۔

Following the official announcement of Mojtaba Khamenei as the new Supreme Leader of Iran, the country is witnessing a historic turning point. Thousands have taken to the… pic.twitter.com/Gx53XgnDY7

— Daily Ummat (@ummatdigitalpk) March 9, 2026

مشرق وسطیٰ میں جاری کشیدگی کے دوران بنگلہ دیش میں توانائی کی کھپت میں کمی کے لیے ملک کی تمام یونیورسٹیوں میں عید الفطر کی چھٹیاں قبل از وقت دی جا رہی ہیں۔

حکام کا کہنا ہے کہ یہ اقدام اس لیے اٹھایا گیا کیونکہ نجی اور سرکاری یونیورسٹیوں میں بہت زیادہ بجلی استعمال ہوتی ہے۔

رمضان کے دوران بنگلہ دیش میں سرکاری اور نجی سکولوں میں پہلے سے چھٹیاں ہیں۔ یعنی اب ملک کے تمام تعلیمی ادارے عید کی چھٹیوں تک بند رہیں گے۔

بنگلہ دیش اپنی توانائی کی 95 ضروریات کو امپورٹ کرتا ہے۔

ایشیا کی بڑی معیشتوں پر توانائی کی بڑھتی قیمتوں کے اثرات ظاہر ہو رہے ہیں۔ جنوبی کوریا میں حکام نے قریب 30 سال میں پہلی بار ایندھن کی قیمتوں پر حد مقرر کی ہے۔

کابینہ کے ہنگامی اجلاس میں بات کرتے ہوئے جنوبی کوریا کے صدر نے کہا کہ پیٹرولیئم مصنوعات پر حد مقرر کرنے کا نظام فوری طور پر نافذ کیا جا رہا ہے۔

جنوبی کوریا توانائی، خام مال اور زراعت کے لیے بڑے پیمانے پر توانائی درآمد کرتا ہے۔

امریکہ اور اسرائیل کی ایران کے خلاف جنگ میں کشیدگی آنے کے باعث عالمی منڈی میں خام تیل کی قیمت 100 ڈالر فی بیرل سے تجاوز کر چکی ہے۔ یہ خدشہ پایا جا رہا ہے کہ آبنائے ہرمز کے ذریعے تیل کی ترسیل رکاوٹ کا شکار رہ سکتی ہے۔

ایشیا میں برینٹ کروڈ کی قیمت 24 فیصد اضافے کے ساتھ 114.74 فی بیرل رہی۔

آبی گزر گاہ آبنائے ہرمز کے ذریعے دنیا کے 20 فیصد تیل کی ترسیل ممکن ہو پاتی ہے۔ لیکن جنگ کی شروعات سے وہاں ٹینکر جمع ہو رہے ہیں۔

توانائی کی مصنوعات کے راستے میں اس بڑی رکاوٹ کے باعث یہ خدشہ پیدا ہو گیا ہے کہ دنیا بھر میں صارفین اور کاروباروں کے لیے قیمتیں بڑھ سکتی ہیں۔

ایران کے سرکاری نشریاتی ادارے آئی آر آئی بی کے مطابق ملک نے اپنے نئے رہنما مجتبیٰ خامنہ‌ ای کی قیادت میں پہلی بار سرائیل کی جانب میزائل داغے ہیں۔

ٹیلیگرام پر پیغام میں آئی آر آئی بی نے میزائل کی تصویر بھی پوسٹ کی جس پر یہ نعرہ درج تھا: ’لبیک سید مجتبی‘۔

امریکا نے ایران سے جنگ میں اپنے ساتویں فوجی کی ہلاکت کی تصدیق کر دی ہے۔

امریکی سینٹرل کمانڈ کے مطابق امریکی فوجی یکم مارچ کو ایران کی جانب سے سعودی عرب میں امریکی فوجی اڈے پر حملے میں زخمی ہوا تھا جو بعد میں دم توڑ گیا ۔

امریکا نے کہا ہے کہ اس مرنے والے امریکی فوجی کی شناخت اس کے رشتے داروں کو اطلاع تک خفیہ رکھی جائے گی۔

مشرقی لبنان میں اسرائیل کی زمینی فوج داخل ہوگئی، اسرائیلی فوج کی لبنانی افواج سے جھڑپیں ہوئی ہیں۔

خبر ایجنسی کے مطابق اسرائیلی فوج ہیلی کاپٹر کے ذریعے مشرقی لبنان میں اتری جہاں ان کی لبنانی افواج سے سخت جھڑپیں ہوئیں۔

ذرائع کے مطابق لڑائی کے دوران ایک اسرائیلی ہیلی کاپٹر کو حزب اللّٰہ نے تباہ کردیا۔

وزارت داخلہ بحرین کے مطابق بحرین کے جزیرہ سترہ پر ایرانی ڈرون حملے میں متعدد شہری زخمی ہوگئے جبکہ ایک کی حالت تشویشناک ہے۔

وزارت داخلہ بحرین کا کہنا ہے کہ ڈرون حملے کے نتیجے میں کئی گھروں کو بھی نقصان پہنچا۔