مٹی کا تیل 70 روپے 73 پیسے فی لیٹر مہنگا کر دیا گیا
پیٹرولیم مصنوعات کی قیمتیں برقرار رکھنے کا نوٹیفکیشن جاری کر دیا گیا ہے
March 21, 2026 · کامرس
ملک مں مٹی کے تیل کی قیمت میں ایک بار پھر بڑا اضافہ کیا گیا ہے، 70 روپے 73 پیسے فی لیٹر مہنگا کر دیا گیا۔
مٹی کے تیل کی قیمت سے متعلق جاری نوٹیفکیشن کے مطابق مٹی کے تیل کی نئی قیمت 428 روپے 74 پیسے فی لیٹر ہو گئی ہے، قیمت میں اضافے کا اطلاق آج سے کر دیا گیا ہے، اس سے قبل مٹی کے تیل کی قیمت 358 روپے ایک پیسہ فی لیٹر تھی۔
ادھر پیٹرولیم مصنوعات کی قیمتیں برقرار رکھنے کا نوٹیفکیشن جاری کر دیا گیا ہے، پیٹرولیم ڈویژن کے مطابق پٹرول کی قیمت 321 روپے 17 پیسے فی لیٹر پر برقرار رہے گی، ڈیزل کی قیمت 335 روپے 86 پیسے فی لیٹر کی سطح پر برقرار رہے گی۔