کراچی میں 24 گھنٹوں کے دوران بارش اور بوندا باندی کا امکان
شہر میں زیادہ سے زیادہ درجۂ حرارت 32 ڈگری سینٹی گریڈ تک رہنے کا امکان ہے
کراچی میں 24 گھنٹوں کے دوران مطلع جزوی ابر آلود اور کہیں کہیں بارش اور بوندا باندی کا امکان ہے۔
محکمۂ موسمیات کے مطابق شہر میں زیادہ سے زیادہ درجۂ حرارت 32 ڈگری سینٹی گریڈ تک رہنے کا امکان ہے۔
کراچی میں کم سے کم درجۂ حرارت 24.5 ڈگری سینٹی گریڈ ریکارڈ کیا گیا۔
محکمۂ موسمیات کا کہنا ہے کہ شہر میں ہوا میں نمی کا تناسب 84 فیصد ہے۔
محکمہ موسمیات کے مطابق مغربی ہواؤں کا ایک سلسلہ آج بلوچستان کے جنوب مغربی علاقوں میں داخل ہو رہا ہے، جو 27 مارچ کو شدت اختیار کرے گا اور 30 مارچ تک جاری رہ سکتا ہے۔ اس دوران دن کے درجہ حرارت میں کمی کا امکان ہے۔
اس سسٹم کے زیر اثر ملک بھر میں آج سے 30 مارچ تک وقفے وقفے سے تیز ہواؤں کے ساتھ موسلا دھار بارش اور کئی مقامات پر ژالہ باری ہو سکتی ہے۔ بالائی علاقوں میں لینڈ سلائیڈنگ کا خدشہ ہے۔