سستا پیٹرول لینے کیلیے مریم نواز نے طریقہ بتا دیا

لاہور: وزیراعلیٰ پنجاب مریم نواز شریف نے صوبے کے عوام کے لیے ایک بڑے ریلیف پیکیج کا اعلان کیا ہے، جس کا مقصد مہنگائی کے بوجھ تلے دبے عام آدمی کو فوری ریلیف فراہم کرنا ہے۔

وزیراعلیٰ کے اعلان کے مطابق، پنجاب بھر میں موٹر سائیکل مالکان اب ہر ماہ 20 لیٹر پٹرول صرف 100 روپے فی لیٹر کی رعایتی قیمت پر حاصل کر سکیں گے۔ اس اقدام سے لاکھوں موٹر سائیکل سواروں کو ماہانہ بنیادوں پر نمایاں مالی بچت ہوگی۔

عوام کے لیے ایک اور بڑی خوشخبری دیتے ہوئے وزیراعلیٰ نے اعلان کیا کہ اب پنجاب میں کسی بھی موٹر سائیکل کی رجسٹریشن یا ٹرانسفر (منتقلی) پر کوئی چارجز وصول نہیں کیے جائیں گے۔ یہ سہولت فوری طور پر لاگو کر دی گئی ہے۔

اس ریلیف پیکیج سے فائدہ اٹھانے کے لیے رجسٹریشن کا عمل 4 اپریل سے شروع ہوگا۔ شہری درج ذیل ذرائع سے رابطہ کر سکتے ہیں۔

• ہیلپ لائن: 1000 پر کال کریں۔

• موبائل ایپ: ‘مریم کو بتائیں’ (Maryam Ko Batayen) ایپ استعمال کریں۔

• ویب پورٹل: mkb.punjab.gov.pk پر وزٹ کریں۔

وزیراعلیٰ مریم نواز کا کہنا ہے کہ ان کی حکومت عام آدمی کی زندگی میں آسانیاں پیدا کرنے کے لیے تمام ممکنہ اقدامات کر رہی ہے اور یہ پیکیج اسی سلسلے کی ایک کڑی ہے۔