آئل ٹینکرز ایسوسی ایشن کا وزیراعظم سے ڈیزل قیمتوں میں کمی کا مطالبہ

 اسلام آباد: آئل ٹینکرز ایسوسی ایشن نے وزیرِ اعظم شہباز شریف سے درخواست کی ہے کہ ڈیزل کی قیمتوں میں بھی کمی کی جائے تاکہ عوام کو ریلیف فراہم کیا جا سکے۔

سینئر وائس چیئرمین خانزادہ خان محسود نے کہا کہ اوگرا نے آئل ٹینکرز کے کرایوں میں 28 فیصد اضافہ کیا ہے، جس سے عوام کو مشکلات کا سامنا ہے۔ انہوں نے مزید کہا کہ پیٹرول کی قیمتوں میں 80 روپے کمی کی جا چکی ہے، اسی طرح ڈیزل کی قیمتوں میں بھی کمی کی جائے تاکہ مسافر اور نوکری پیشہ افراد پر بوجھ کم ہو۔

خانزادہ محسود نے زور دیا کہ موجودہ صورتحال میں شہریوں کو نقل و حمل کے دوران شدید مشکلات کا سامنا ہے اور فوری اقدامات کی ضرورت ہے۔