وزیراعظم شہباز شریف کی جنگ بندی کی خلاف ورزیوں پر تشویش، فریقین سے تحمل کا مطالبہ
میں تمام فریقین سے پرخلوص گزارش کرتا ہوں کہ وہ سفارت کاری کو موقع دیں ، ایکس پر پیغام
فائل فوٹو
اسلام آباد: وزیراعظم پاکستان میاں محمد شہباز شریف نے تنازع والے علاقوں میں جنگ بندی کی حالیہ خلاف ورزیوں پر گہری تشویش کا اظہار کرتے ہوئے کہا ہے کہ اس طرح کے اقدامات امن عمل کی روح کو نقصان پہنچا رہے ہیں۔
سوشل میڈیا پلیٹ فارم ایکس (X) پر اپنے ایک بیان میں وزیراعظم نے کسی مخصوص واقعے کا ذکر کیے بغیر کہا کہ “پورے تنازع زدہ زون سے جنگ بندی کی خلاف ورزیوں کی اطلاعات موصول ہو رہی ہیں، جو کہ قیامِ امن کی کوششوں کو سبوتاژ کرنے کے مترادف ہیں۔
Violations of ceasefire have been reported at few places across the conflict zone which undermine the spirit of peace process. I earnestly and sincerely urge all parties to exercise restraint and respect the ceasefire for two weeks, as agreed upon, so that diplomacy can take a…
— Shehbaz Sharif (@CMShehbaz) April 8, 2026
وزیراعظم نے تمام متعلقہ فریقین پر زور دیا کہ وہ طے شدہ معاہدے کے مطابق دو ہفتوں تک مکمل تحمل کا مظاہرہ کریں اور جنگ بندی کا احترام کریں۔ انہوں نے واضح کیا کہ میں تمام فریقین سے پرخلوص گزارش کرتا ہوں کہ وہ سفارت کاری کو موقع دیں تاکہ تنازع کے پرامن حل کی جانب پیش رفت ہو سکے۔