مہمند میں ماربل لینڈ سلائیڈنگ تلے دبا مزدور 16 دن بعد زندہ نکل آیا

مہمند : ضلع مہمند میں ماربل کی کان میں ہونے والی لینڈ سلائیڈنگ کے نتیجے میں ملبے تلے دب جانے والا مزدور خیبر خان 16 دن بعد معجزاتی طور پر زندہ نکال لیا گیا۔ اس حیران کن واقعے نے جہاں ریسکیو حکام کو ورطہِ حیرت میں ڈال دیا ہے، وہی علاقے میں خوشی کی لہر دوڑ گئی ہے۔

مہمند میں ماربل لینڈسلائیڈ میں دبنے والا شخص 16 دن بعد زندہ نکل آیا
ماربل کے پہاڑوں میں لینڈسلائیڈنگ سے 9 افراد جاں بحق ہوئے تھے
دو مزدور زخمی ہوئے جبکہ خیبر خان نامی ایک مزدور تب سے لاپتہ تھا
خیبر خان جمعرات کو 16 دن بعد زندہ نکل آیا
حیرت انگیز طور پر وہ گفتگو کرنے کے قابل بھی… pic.twitter.com/lyVSjnSym4

— Daily Ummat (@ummatdigitalpk) April 16, 2026

تقریباً دو ہفتے قبل مہمند کے پہاڑی علاقے میں ماربل نکالنے کے دوران پہاڑی کا ایک بڑا حصہ گر گیا تھا، جس کی زد میں آکر 9 مزدور جاں بحق اور دو شدید زخمی ہوئے تھے۔ ریسکیو آپریشن کے دوران باقی تمام افراد کو نکال لیا گیا تھا، تاہم خیبر خان نامی مزدور لاپتہ تھا جس کی تلاش کئی دن سے جاری تھی۔

جمعرات کے روز جب ملبہ ہٹانے کا کام حتمی مراحل میں تھا، تو ریسکیو ٹیموں کو خیبر خان زندہ حالت میں ملا۔خیبر خان نہ صرف زندہ ہے بلکہ وہ ہوش و حواس میں ہے اور گفتگو کرنے کے قابل بھی ہے۔

 نکالے جانے کے فوری بعد اسے طبی امداد کے لیے قریبی ہسپتال منتقل کر دیا گیا ہے، جہاں ڈاکٹرز اس کی جسمانی حالت کا معائنہ کر رہے ہیں۔