جہلم میں انجنئیر محمد علی مرزا کی اکیڈمی پر فائرنگ،حملہ آور ہلاک

پنجاب کے شہر جہلم میں فائرنگ کا واقعہ پیش آیا جہاں ایک نجی اکیڈمی کے باہر مسلح شخص نے حملہ کر دیا۔

پولیس کے مطابق تھانہ سٹی کی حدود میں جی ٹی ایس چوک کے قریب واقع قرآن ریسرچ اکیڈمی جہلم کے باہر فائرنگ کی گئی۔ اطلاع ملنے پر پولیس نے فوری کارروائی کرتے ہوئے حملہ آور کو روکنے کی کوشش کی، تاہم ملزم نے پولیس پر بھی فائرنگ شروع کر دی۔

جوابی کارروائی میں حملہ آور ہلاک ہو گیا جبکہ ایک پولیس اہلکار زخمی ہو گیا، جسے طبی امداد کے لیے قریبی اسپتال منتقل کر دیا گیا۔

انجینئر محمد علی مرزا کی اکیڈمی پر حملے کی ویڈیو pic.twitter.com/impYJMmusd

— Daily Ummat (@ummatdigitalpk) April 19, 2026

واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے کر تفتیش شروع کر دی گئی ہے۔ حکام کے مطابق ہلاک ہونے والے ملزم کی شناخت تاحال نہیں ہو سکی۔

پولیس کا کہنا ہے کہ واقعے کے تمام پہلوؤں کا جائزہ لیا جا رہا ہے اور مزید معلومات سامنے آنے پر آگاہ کیا جائے گا۔