روہڑی ریلوے اسٹیشن کی اپگریڈیشن کا سنگ بنیاد رکھ دیا گیا

وزیر ریلوے محمد حنیف عباسی نے صوبائی وزیر سید ناصر حسین شاہ کے ہمراہ سندھ کے تاریخی ریلوے اسٹیشن روہڑی ریلوے اسٹیشن کی اپگریڈیشن کا افتتاح کیا ۔ اس سلسلے میں ایک تقریب منعقد ہوئی ۔ چیئرمین ریلوے سید مظہر علی ، ڈی ایس ریلوے سکھر فرمان غنی اور دیگر افسران بھی تقریب میں شریک تھے ۔

ڈی ایس ریلوے سکھر فرمان غنی نے تقریب سے خطاب کرتے ہوئے بتایاکہ روہڑی اسٹیشن 1878 میں بنا اور 1890میں اسے فنکشنل کیا گیا ۔ بدقسمتی سے یہاں پر شروع سے ہی سہولیات کا فقدان رہا ہے ۔ اب روہڑی ریلوے اسٹیشن کی اپ گریڈیشن کا منصوبہ شروع کیا گیا ہے ۔

یہ منصوبہ 1300 ملین روپے سے زائد کا ہے ، منصوبے میں چالیس فیصد شیئر سندھ حکومت اور ساٹھ فیصد وفاقی حکومت فراہم کرے گی ۔ وزیر ریلوے محمد حنیف عباسی نے بھی روہڑی ریلوے اسٹیشن کی اپ گریڈیشن کا سنگ بنیاد رکھنے کی تقریب سے خطاب کیا۔