پاسپورٹ ڈلیوری سسٹم میں تبدیلی، نارمل پاسپورٹ اب 21 کے بجائے 14 دن میں ملے گا

اسلام آباد: حکومت کی جانب سے پاسپورٹ دفاتر میں مکمل کیش لیس نظام رائج کرتے ہوئے نارمل پاسپورٹ کی فراہمی میں آسانی پیدا کردی ہے اور اب 21 دن کے بجائے 14 روز میں فراہم کردیا جائے گا۔

نارمل پاسپورٹ کی  فراہمی 21 یوم کی بجائے  14 یوم کر دی  گئی ہے اور پاسپورٹ دفاتر میں مکمل کیش لیس نظام رائج کر دیا گیا ہے۔ بزنس کیٹگری پاسپورٹ کے اجرا کے لیے ورکنگ پیپر اور تیاری شروع کردی گئی ہے اور گھر میں پاسپورٹ ڈلیوری کے نظام کو مؤثر بنایا جائے گا۔15 یوم میں پاسپورٹ دفاتر کو کیش لیس نظام رائج کرنے کی ہدایت کردی گئی ہے، جس کے نتیجے میں کیش ادائیگی ختم ہونے سے ایجنٹ مافیا کا خاتمہ ہوگا۔