رام اللہ میں اسرائیلی فوج کا علی الصبح چھاپہ۔ آنسو گیس اور گرینیڈ کا استعمال

 اسرائیلی فورسز نے مقبوضہ مغربی کنارے کے وسطی شہر رام اللہ میں علی الصبح چھاپہ مار کارروائی کی۔

فلسطینی خبر رساں ادارے وفا کے مطابق اس کارروائی کے دوران اسرائیلی فوج نے المنارہ اسکوائر کے اطراف میں آنسو گیس کے گولے اور اسٹن گرینیڈ فائر کیے، جس سے علاقے میں خوف و ہراس پھیل گیا۔

مزید برآں، اسرائیلی فورسز نے شہر کے شمالی داخلی راستوں پر فوجی پابندیاں سخت کر دیں اور عطارہ اور عین سینیہ چیک پوسٹس کو کئی گھنٹوں کے لیے بند رکھا۔