تحریک انصاف کی پارلیمانی پارٹی کا اجلاس ،خیبرپختونخوا کابینہ میں توسیع کا فیصلہ

پشاور: تحریک انصاف کی خیبرپختونخوا پارلیمانی پارٹی کے اجلاس میں صوبائی کابینہ میں توسیع کا فیصلہ کر لیا گیا۔ ذرائع کے مطابق اجلاس اسلام آباد میں منعقد ہوا جس کی صدارت وزیراعلیٰ سہیل خان آفریدی نے کی۔

ذرائع کا کہنا ہے کہ وزیراعلیٰ نے اجلاس کے دوران صوبائی کابینہ میں جلد توسیع کا عندیہ دیا، جبکہ ارکانِ صوبائی اسمبلی نے کابینہ کی تشکیل میں میرٹ کو یقینی بنانے پر زور دیا۔پارلیمانی پارٹی اجلاس میں بعض ایم پی ایز نے واضح کیا کہ اگر کابینہ کی تشکیل میں میرٹ کو نظرانداز کیا گیا تو وہ سخت مؤقف اختیار کرنے پر مجبور ہوں گے۔

اجلاس میں یہ بھی کہا گیا کہ میرٹ کے برعکس فیصلوں کی صورت میں صوبائی حکومت کو بجٹ منظوری کے مرحلے پر مشکلات کا سامنا کرنا پڑ سکتا ہے۔