وزیراعلیٰ پنجاب مریم نواز کی بڑی سرجری، اسپتال سے گھر منتقل

لاہور میں وزیراعلیٰ پنجاب مریم نواز کی شریف میڈیکل سٹی اسپتال میں میجر سرجری کی گئی ہے۔

سینئر صوبائی وزیر مریم اورنگزیب نے سوشل میڈیا پر جاری بیان میں بتایا کہ سرجری کامیابی سے مکمل ہونے کے بعد مریم نواز کو اسپتال سے گھر منتقل کر دیا گیا ہے۔

انہوں نے اپنی پوسٹ میں سرجری کی نوعیت سے متعلق تفصیلات فراہم نہیں کیں، تاہم کہا کہ وزیراعلیٰ پنجاب کی صحت بہتر ہے۔

مریم اورنگزیب کے مطابق عید کے موقع پر بھی مریم نواز نے اسپتال سے ہی صوبے میں سکیورٹی، صفائی اور دیگر انتظامی امور کی براہ راست نگرانی جاری رکھی۔

انہوں نے وزیراعلیٰ پنجاب کی جلد مکمل صحت یابی کیلئے دعا کی اپیل بھی کی۔