جی بی اے 22 گانچھے 1:غیر حتمی نتائج،ن لیگ کے محمد ابراہیم ثنائی کامیاب

گلگت بلتستان اسمبلی کے حلقہ جی بی اے 22 (گانچھے-1) سے غیر حتمی اور غیر سرکاری نتائج کے مطابق مسلم لیگ (ن) کے امیدوار محمد ابراہیم ثنائی کامیاب قرار پائے ہیں۔

تمام 58 پولنگ اسٹیشنز کے موصولہ نتائج کے مطابق محمد ابراہیم ثنائی نے مجموعی طور پر 12 ہزار 48 ووٹ حاصل کیے۔ ان کے مدمقابل پاکستان پیپلز پارٹی کے امیدوار ڈاکٹر عاشق حسین 9 ہزار 258 ووٹ لے کر دوسرے نمبر پر رہے۔

غیر سرکاری نتائج کے مطابق مسلم لیگ (ن) کے امیدوار نے واضح برتری کے ساتھ نشست اپنے نام کی، جبکہ دیگر امیدوار مقابلے میں نمایاں فرق سے پیچھے رہے۔

انتخابی حکام کے مطابق یہ نتائج مکمل طور پر غیر حتمی ہیں اور حتمی سرکاری اعلان ریٹرننگ افسر کی جانب سے قانونی تقاضے پورے ہونے کے بعد کیا جائے گا۔