مظفرآباد ہیلی کاپٹر حادثہ:کرنل امجد لطیف کی نماز جنازہ ادا

گوجرانوالہ: مظفرآباد ہیلی کاپٹر حادثے میں شہید ہونے والے کرنل امجد لطیف کی نماز جنازہ ادا کر دی گئی۔

نماز جنازہ میں شہریوں، فوجی افسران اور سیاسی و سماجی شخصیات کی بڑی تعداد نے شرکت کی۔ اس موقع پر شہید کو مکمل فوجی اعزاز کے ساتھ سپردِ خاک کیا گیا جبکہ پاک فوج کے دستوں نے سلامی پیش کی۔

نماز جنازہ کے دوران رقت آمیز مناظر دیکھنے میں آئے اور شرکاء نے شہید کے درجات کی بلندی کے لیے خصوصی دعائیں کیں۔

گوجرانوالہ : شہید کرنل امجد لطیف کی نماز جنازہ پیپلز کالونی کی مسجد صدیق اکبر میں ادا کر دی گئی ، سبز ہلالی پرچم میں لپٹے شہید کے جسد خاکی کو فوجی اعزاز کے ساتھ بڑے قبرستان میں سپرد خاک کیا گیا نماز جنازہ میں سول ، عسکری حکام اور اہل علاقہ نے بڑی تعداد میں شرکت کی ۔ pic.twitter.com/TSo843qj9R

— dilshad Ali (@dilshad58609837) June 12, 2026

شرکاء نے کرنل امجد لطیف کی قربانی کو وطن کی سلامتی کے لیے ایک عظیم مثال قرار دیتے ہوئے کہا کہ شہداء کی قربانیاں قوم کے لیے مشعلِ راہ ہیں۔

اس موقع پر “پاکستان زندہ باد” اور “شہداء ہمارا فخر ہیں” کے نعرے بھی لگائے گئے۔

دوسری جانب فورٹ عباس میں بھی مظفرآباد ہیلی کاپٹر حادثے میں شہید ہونے والے جوان محمد ارسلان کی نماز جنازہ ادا کر دی گئی۔