ایبٹ آباد میں نوجوان کے قتل کا افسوسناک واقعہ، لاش جنگل سے برآمد

ایبٹ آباد کے تھانہ بگنوتر کی حدود جہافر کے علاقے میں ایک نوجوان کو نامعلوم افراد نے فائرنگ کر کے بے دردی سے قتل کر دیا۔

پولیس کے مطابق مقتول ارمان علی گزشتہ روز سے لاپتہ تھا، جس کی گمشدگی کی رپورٹ بھی تھانے میں درج تھی۔ بعد ازاں مقتول کی لاش قریبی جنگل سے برآمد ہوئی، جس پر اہل علاقہ میں خوف و ہراس پھیل گیا۔

اطلاعات کے مطابق ملزمان واردات کے بعد موقع سے فرار ہونے میں کامیاب ہوگئے۔ پولیس نے واقعے کی تفتیش شروع کر دی ہے اور مختلف پہلوؤں سے تحقیقات جاری ہیں۔

ابتدائی معلومات کے مطابق مقتول کو گولیاں مار کر قتل کیا گیا، تاہم اصل محرکات تاحال سامنے نہیں آئے۔ قانون نافذ کرنے والے ادارے ملزمان کی تلاش میں مصروف ہیں۔