موٹروے پولیس کی ایمانداری،22 لاکھ کے زیورات مالک کے حوالے
گوادر کے قریب موٹروے پر تعینات اہلکاروں کو ایک لاوارث بیگ ملا جس میں تقریباً 22 لاکھ روپے مالیت کے سونے کے زیورات موجود تھے۔
موٹروے پولیس نے ایمانداری کا مظاہرہ کرتے ہوئے لاکھوں روپے مالیت کے قیمتی زیورات سے بھرا ہوا بیگ تلاش کر کے اصل مالک کے حوالے کر دیا۔
ترجمان موٹروے پولیس کے مطابق گوادر کے قریب موٹروے پر تعینات اہلکاروں کو ایک لاوارث بیگ ملا جس میں تقریباً 22 لاکھ روپے مالیت کے سونے کے زیورات موجود تھے۔
بیگ ملنے کے بعد سوشل میڈیا اور مقامی ذرائع کی مدد سے مالک کی شناخت کی گئی اور تمام قانونی کارروائی مکمل کرنے کے بعد سامان محفوظ طریقے سے واپس کر دیا گیا۔
موٹروے پولیس نے 22 لاکھ روپے مالیت کے سونے کے زیورات اصل مالک کے حوالے کر دیے، ترجمان موٹروے پولیس کے مطابق گوادر کےقریب دوران پیٹرولنگ موٹروے پولیس افسران کو ایک بیگ لاوارث حالت میں سڑک سے ملا تھا۔ pic.twitter.com/4PAWroPxLc
— Azaz Syed (@AzazSyed) June 18, 2026
قیمتی سامان کی واپسی پر مالک نے موٹروے پولیس کے اہلکاروں کا شکریہ ادا کرتے ہوئے ان کی دیانتداری کو سراہا۔
ڈی آئی جی ویسٹ زون بلوچستان ڈاکٹر قریش خان نے واقعے میں کردار ادا کرنے والے اہلکاروں کے لیے تعریفی اسناد اور نقد انعام کا اعلان بھی کیا ہے۔