پاک وزارتِ خارجہ کی امریکہ،ایران مذاکرات میں مثبت پیش رفت کی تصدیق

اسلام آباد: پاکستان کی وزارتِ خارجہ نے کہا ہے کہ قطر کے دارالحکومت دوحہ میں امریکہ اور ایران کے درمیان جاری بالواسطہ مذاکرات میں مثبت پیش رفت سامنے آئی ہے۔

وزارتِ خارجہ کے مطابق پاکستان اور قطر کے ثالثوں نے امریکی اور ایرانی مذاکراتی وفود سے الگ الگ ملاقاتیں کیں، جن میں باہمی دلچسپی کے مختلف امور اور جاری سفارتی عمل پر تبادلہ خیال کیا گیا۔

بیان میں کہا گیا ہے کہ مذاکرات کے دوران سابقہ سفارتی رابطوں اور مختلف مفاہمتی نکات پر پیش رفت ہوئی، جبکہ فریقین نے بات چیت کے عمل کو آگے بڑھانے پر اتفاق کیا۔

وزارتِ خارجہ کے مطابق مذاکرات کا اگلا دور ایران کے سابق رہبرِ اعلیٰ آیت اللہ علی خامنہ ای کی آخری رسومات کی تکمیل کے بعد منعقد کیا جائے گا۔

پاکستان نے اس پیش رفت کو سفارتی کوششوں کے لیے حوصلہ افزا قرار دیتے ہوئے امید ظاہر کی ہے کہ مذاکرات کے تسلسل سے خطے میں کشیدگی کم کرنے اور مسائل کے پُرامن حل کی راہ ہموار ہوگی۔