9 مئی مقدمات: بانی پی ٹی آئی سمیت ملزمان کے کیسز کی سماعت ملتوی

راولپنڈی کی انسدادِ دہشت گردی کی خصوصی عدالت نے 9 مئی سے متعلق مقدمات میں بانی پی ٹی آئی، پارٹی رہنماؤں اور کارکنوں کے خلاف جاری 11 مقدمات کی سماعت 15 اگست تک ملتوی کر دی۔

سماعت انسدادِ دہشت گردی کی خصوصی عدالت کے جج امجد علی شاہ نے کی۔ بانی پی ٹی آئی اپنے وکیل محمد فیصل ملک اور قانونی ٹیم کے ہمراہ عدالت میں پیش ہوئے، جبکہ سینئر پراسیکیوٹر ظہیر شاہ بھی عدالتی کارروائی کے دوران موجود تھے۔

عدالت نے فریقین کی حاضری اور ابتدائی کارروائی کے بعد مقدمات کی مزید سماعت 15 اگست تک ملتوی کرتے ہوئے آئندہ تاریخ پر کارروائی جاری رکھنے کا حکم دیا۔

یہ مقدمات 9 مئی کے واقعات سے متعلق درج کیے گئے تھے، جن کی سماعت انسدادِ دہشت گردی کی خصوصی عدالت میں جاری ہے۔