دریائے سندھ میں 5 افراد ڈوب گئے، تلاش کے لیے سرچ آپریشن جاری

صوابی میں دریائے سندھ میں 5 افراد کے ڈوبنے کا واقعہ پیش آیا ہے، جن میں ایک شخص اور اس کے 2 بیٹے بھی شامل ہیں۔

ریسکیو ذرائع کے مطابق واقعے کی اطلاع ملتے ہی امدادی ٹیمیں فوری طور پر موقع پر پہنچ گئیں اور لاپتا افراد کی تلاش کے لیے سرچ آپریشن شروع کردیا۔

ریسکیو اہلکار دریائے سندھ میں مختلف مقامات پر سرچ آپریشن کر رہے ہیں اور ڈوبنے والے افراد کو تلاش کرنے کی کوشش جاری ہے۔

حکام کے مطابق سرچ آپریشن میں دریا کے مختلف حصوں کا جائزہ لیا جا رہا ہے، جبکہ واقعے سے متعلق مزید معلومات جمع کی جا رہی ہیں۔

ریسکیو حکام کا کہنا ہے کہ لاپتا افراد کی تلاش مکمل ہونے تک آپریشن جاری رکھا جائے گا۔