فوج ہماری ہے، سہیل آفریدی کو چھاؤنیوں پر بیان نہیں دینا چاہیے تھا:بیرسٹر گوہر

اسلام آباد: پاکستان تحریک انصاف کے چیئرمین بیرسٹر گوہر علی خان نے خیبر پختونخوا کے وزیراعلیٰ سہیل آفریدی کے فوجی چھاؤنیوں سے متعلق بیان پر ردعمل دیتے ہوئے کہا ہے کہ فوج ہماری ہے اور اس نوعیت کے حساس معاملات پر گفتگو کرتے ہوئے احتیاط کا مظاہرہ کیا جانا چاہیے۔

میڈیا سے گفتگو کرتے ہوئے بیرسٹر گوہر نے کہا کہ فوج ملک اور قوم کی ہے، اس لیے فوجی تنصیبات اور چھاؤنیوں سے متعلق بیانات دیتے وقت ذمہ داری کا مظاہرہ ضروری ہے۔

انہوں نے کہا کہ وزیراعلیٰ خیبر پختونخوا سہیل آفریدی کو فوجی چھاؤنیوں سے متعلق اس طرح کا بیان نہیں دینا چاہیے تھا۔

فوج ہماری ہے، سہیل آفریدی کو فوجی چھاؤنیوں کے متعلق بیان نہیں دینا چاہئے تھا، چیئرمین پی ٹی آئی بیرسٹر گوہر pic.twitter.com/lAnF1BjjSY

— Mahrosh Pervaiz (@MahroshPervaiz1) August 18, 2026

بیرسٹر گوہر کے مطابق پارٹی قیادت حساس قومی معاملات پر اپنے مؤقف کو واضح رکھنے اور ذمہ دارانہ انداز میں بات کرنے کو اہم سمجھتی ہے۔

واضح رہے کہ خیبر پختونخوا میں امن و امان اور سیکیورٹی صورتحال کے حوالے سے حالیہ دنوں میں مختلف سیاسی بیانات سامنے آئے ہیں، جن پر سیاسی حلقوں میں بھی بحث جاری ہے۔