اسلام آباد کے ایک گھر میں فائرنگ سے ایک شخص جاں بحق،4زخمی
خاندانی رنجش پر کزن نے فائرنگ کی، پانچ افراد کو گھر میں آکر گولیاں ماری گئیں۔
August 29, 2026 · قومی
فائل فوٹو
اسلام آباد کے ایک گھر میں فائرنگ سے ایک شخص جاں بحق اور 4 زخمی ہوگئے۔ پولیس کے مطابق فائرنگ اسلام آباد کے تھانہ ہمک کی حدود میں ہوئی۔
پولیس ذرائع کے مطابق خاندانی رنجش پر کزن نے فائرنگ کی، پانچ افراد کو گھر میں آکر گولیاں ماری گئیں۔ گولیاں باپ، تین بھائیوں اور ایک کزن کو لگیں، زخمیوں میں ایک کی حالت تشویشناک ہے۔
اسلام آباد پولیس موقع پر پہنچ گئی اور تفتیش شروع کردی۔ فائرنگ کرکے فرار ہونے والے ملزم کی تلاش شروع کردی گئی ہے۔
تمام زخمیوں کو پمز ہسپتال منتقل کیا جارہا ہے۔
ٹیگز: