پاک روس تعلقات میں نیا باب : روسی وزیر داخلہ 4 روزہ دورے پر اسلام آباد پہنچ گئے

اسلام آباد: پاکستان اور روس کے دوطرفہ تعلقات میں ایک نئے باب کا آغاز ہو گیا ہے۔ وفاقی وزیر داخلہ محسن نقوی کی دعوت پر روس کے وزیر داخلہ ولادیمیر کولاکولتسیف 4 روزہ سرکاری دورے پر پاکستان پہنچ گئے ہیں۔ یہ کسی بھی روسی وزیر داخلہ کا تاریخ میں پاکستان کا پہلا اور اہم دورہ ہے۔

اسلام آباد آمد پر وزیر مملکت برائے امور داخلہ طلال چوہدری نے اعلیٰ حکام کے ہمراہ روسی وزیر داخلہ کا پرتپاک اور پرجوش استقبال کیا۔

پاکستان روس تعلقات میں ایک نئے باب کا آغاز،
وفاقی وزیر داخلہ محسن نقوی کی دعوت پر روس کے وزیر داخلہ ولادیمیر کولاکولتسیف کا دورہ پاکستان
یہ کسی بھی روسی وزیرِ داخلہ کا پاکستان کا پہلا دورہ ہے،
روس کے وزیر داخلہ ولادیمیر کولاکولتسیف چار روزہ دورے پر پاکستان پہنچ گئے، pic.twitter.com/BK1p5jnlR8

— Ministry of Interior GoP (@MOIofficialGoP) October 12, 2026

چار روزہ قیام کے دوران روس کے وزیر داخلہ پاکستانی اعلیٰ قیادت اور اپنے ہم منصب سے انتہائی اہم ملاقاتیں کریں گے۔ ان ملاقاتوں میں دونوں ممالک کے درمیان دوطرفہ تعلقات کی استواری، باہمی تعاون کے فروغ، سیکورٹی، بارڈر مینجمنٹ اور دیگر مشترکہ شعبوں میں شراکت داری بڑھانے پر تفصیلی تبادلہ خیال کیا جائے گا۔

سفارتی ذرائع کے مطابق یہ دورہ خطے میں دونوں ممالک کے بڑھتے ہوئے اعتماد اور مضبوط سفارتی تعلقات کا مظہر ثابت ہوگا۔