غزہ پر متنازعہ ویڈیو، لندن میں بھارتی ریسٹورنٹ کےمالک کا روزگار داؤ پر لگ گیا

ہرمن سنگھ کپور نے ویڈیو میں اسرائیلی وزیر اعظم نیتن یاہو اور اسرائیلی فوج سے مطالبہ کیا تھا کہ غزہ میں اب تک کھڑی عمارتوں کو بھی تباہ کر دیا جائے

October 14, 2026 · امت خاص
غزہ پر متنازعہ ویڈیو، لندن میں بھارتی ریسٹورنٹ کےمالک کا روزگار داؤ پر لگ گیا

غزہ پر متنازعہ ویڈیو، لندن میں بھارتی ریسٹورنٹ کےمالک کا روزگار داؤ پر لگ گیا

لندن: غزہ کے حوالے سے متنازعہ ویڈیو جاری کرنے کے بعد لندن میں بھارتی ریسٹورنٹ کے مالک ہرمن سنگھ کپور کو شدید مالی مشکلات کا سامنا ہے، جبکہ ان کے کاروبار پر بندش کے بادل منڈلانے لگے ہیں۔

رپورٹس کے مطابق ستمبر کے آخر میں ہرمن سنگھ کپور نے ایک ویڈیو جاری کی تھی، جس میں انہوں نے اسرائیلی وزیر اعظم نیتن یاہو اور اسرائیلی فوج سے مطالبہ کیا تھا کہ غزہ میں اب تک کھڑی عمارتوں کو بھی تباہ کر دیا جائے۔ ویڈیو سامنے آنے کے بعد ان کے ریسٹورنٹ سنگھ ڈائننگ کو آن لائن شدید ردعمل کا سامنا کرنا پڑا اور منفی تبصروں و جائزوں میں اضافہ ہوگیا۔

 

ریسٹورنٹ مالک نے حالیہ ویڈیو میں عوام سے مدد کی اپیل کرتے ہوئے کہا کہ ان کا روزگار داؤ پر لگا ہوا ہے۔ ان کے دعوے کے مطابق گوگل پر جعلی ایک ستارہ جائزے پوسٹ کیے جا رہے ہیں، جبکہ مثبت جائزے قبول نہیں ہو رہے، جس سے ان کے کاروبار کی ساکھ متاثر ہوئی ہے۔

ہرمن سنگھ کپور کے مطابق مالی مشکلات کے باعث ریسٹورنٹ کا کرایہ بھی بقایا ہو چکا ہے اور مالک مکان نے عدالتی کارروائی کی دھمکی دی ہے۔ تاہم، آن لائن جائزوں میں مبینہ ردوبدل سے متعلق ان کے دعووں کی آزادانہ تصدیق سامنے نہیں آئی۔

Facebook Twitter WhatsApp