وزیر دفاع خواجہ آصف سے سعودی سفیر کی ملاقات،دفاعی تعاون مزید مضبوط بنانے پر گفتگو

اسلام آباد: وزیر دفاع خواجہ آصف سے سعودی عرب کے سفیر ڈاکٹر راجح تامی البغامی نے بدھ کو اسلام آباد میں ملاقات کی، جس میں باہمی دلچسپی کے امور پر تبادلہ خیال کیا گیا۔

ملاقات کے دوران پاکستان اور سعودی عرب کے درمیان دوطرفہ دفاعی تعاون کو مزید مضبوط بنانے کے طریقوں اور دونوں ممالک کے برادرانہ تعلقات کو فروغ دینے پر گفتگو ہوئی۔

اس موقع پر دونوں ممالک نے اسٹریٹجک شراکت داری کو مزید گہرا کرنے کے عزم کا اعادہ کیا۔

ملاقات میں باہمی مفاد پر مبنی تعاون کو فروغ دینے کے عزم کا بھی اعادہ کیا گیا۔