وزیر اعلیٰ خیبر پختونخواکااعلان 7اگست تک کر دیا جائےگا،پی ٹی آئی

پشاور:پاکستان تحریک انصاف کے رہنما شوکت یوسف زئی نے کہا ہے کہ خیبرپختونخوا میں حکومت سازی میں کوئی مشکلات نہیں، کے پی کے وزیر اعلیٰ کا اعلان 7 اگست تک کردیا جائے گا۔
پاکستان تحریک انصاف کے رہنما شوکت یوسف زئی نے کہا بیرونی قرضوں سے اپنے خزانے بھرنے والوں کو قوم نے مسترد کردیاہے، بڑے بڑے سیاسی برج گراکرعوام نے انتقام لیا ہے، اس لیے کچھ رہنما پارلیمنٹ سے باہر ہوکر مچھلی کی طرح تڑپ رہے ہیں۔ عمران خان نے موجودہ فرسودہ نظام ختم کرنے کے لیے 22 سال جدوجہد کی، مسترد شدہ سیاستدان عمران خان کے ایجنڈے سے خوفزدہ ہیں۔
شوکت یوسف زئی نے مزید کہا خیبرپختونخوا میں حکومت سازی میں کوئی مشکلات نہیں، پی ٹی آئی حکومت عوام کو ریلیف دے گی، جب کہ کے پی کے وزیر اعلیٰ کا اعلان 7 اگست تک کردیا جائے گا۔