پولیس اہلکار کے قتل میں ملوث خاتون سمیت 4 ملزمان کو گرفتار

کراچی میں گذشتہ روز ڈیوٹی پر جاتے ہوئے راستے میں قتل کئے گئے پولیس اہلکار کے قتل میں ملوث خاتون سمیت 4 ملزمان کو گرفتارکرلیا گیا ہے
گزشتہ روز گارڈن کے علاقے میں ٹریفک پولیس اہلکار احتشام کو قتل کیا گیا ، مقتول مزار قائد ٹریفک چوکی پرتعینات تھا اور موٹرسائیکل پر ڈیوٹی پر جارہا تھا فائرنگ کرکے قتل کردیا گیا تھا
نجی ٹی وی چینل کے مطابق قتل کے الزام میں 4 ملزمان کو سولجر بازار سے گرفتار کیا گیا ہے، گرفتار ملزمان میں ایک خاتون بھی شامل ہے۔
پولیس کے مطابق مقتول واقعے کے وقت وردی میں تھا اور اس کو 30 بور پستول کی تین گولیاں سینے اور بازو پر ماری گئی تھیں ، جائے وقوعہ سے 30 بور کے 2 خول بھی ملے تھے۔مقتول اہلکار احتشام احمد کا آبائی تعلق حیدرآباد سے تھا۔