نواز شریف کی آمد پرعدالت میں دھکم پیل۔میز ٹوٹ گئی

احتساب عدالت میں نوازشریف کی پیشی کے موقع پر بدنظمی پیدا ہوگئی۔

نیب  کی ٹیم نے سابق وزیراعظم نوازشریف کو لاہور کی احتساب عدالت میں پیش کیا تو لیگی کارکنان اور رہنماؤں کی بڑی تعداد عدالت پہنچ گئی.

 مسلم لیگ کے کارکنان نے احاطہ عدالت میں شدید نعرے بازی کی جب کہ اس موقع پر پولیس کی بھاری نفری بھی تعینات تھی جس نے کارکنان کو کنٹرول کرنے کی کوشش کی۔

کئی کارکنان کمرہ عدالت کے اندر بھی جا پہنچے جہاں شدید بدنظمی دیکھنے میں آئی اور دھکم پیل کے باعث کمرہ عدالت میں رکھی ٹیبل بھی ٹوٹ گئی۔

 میز ٹوٹنے سے مسلم لیگ (ن) کے رہنما طلال چوہدری نیچے آگرے تاہم انہیں کوئی نقصان نہیں پہنچا۔