برطانوی شہزادہ ولیم اور شہزادی کیٹ مڈلٹن لاہور پہنچ گئے

برطانوی شہزادہ ولیم اور شہزادی کیٹ مڈلٹن لاہور پہنچ گئے،ایئرپورٹ پر شاہی جوڑے کا استقبال گورنر پنجاب چوہدری محمد سروراور وزیراعلیٰ پنجاب عثمان بزدار نے کیا اورانہیں تحائف پیش کیے۔

شاہی جوڑے کی لاہور آمد پر ان کا ریڈ کارپٹ استقبال کیا گیا اور بچوں نے مہمانوں کو پھول پیش کیے۔

وزیراعلیٰ نے شہزادی کیٹ میڈلٹن کو شال تحفے میں دی جبکہ گورنر چوہدری محمد سرور نے بھی معزز مہمانوں کو تحائف پیش کئے۔گورنرپنجاب چوہدری محمد سرور کا کہنا تھا کہ برطانیہ اور پاکستان کے تعلقات ہمیشہ مثالی رہے ہیں۔ ان کاکہناتھا کہ شہزادہ ولیم اور شہزادی کیٹ میڈلٹن کی لاہور آمد یادگار موقع ہے۔

اس موقع پر وزیراعلیٰ پنجاب نے کہا کہ برطانوی شہزادے کا دورہ پاکستان دونوں ملکوں کے درمیان تعلقات کو مزید مستحکم بنائے گا، پاکستانی عوام کے دلوں میں برطانیہ کے شاہی خاندان کے لیے احترام کا رشتہ موجود ہے، آج ایک مرتبہ پھر لیڈی ڈیانا کے دورے کی خوشگوار یادیں تازہ ہوگئیں۔

لاہور آمد کے فوری بعد شاہی جوڑا ایس او ایس ویلج پہنچ گیا، جہاں انہیں بریفنگ دی گئی۔

شاہی جوڑا نیشنل کرکٹ اکیڈمی پہنچ گیا

برطانوی شہزادہ ولیم اورشہزادی کیٹ مڈلٹن نے لاہورمیں نیشنل کرکٹ اکیڈمی کادورہ کیا ۔

اکیڈمی میں چیئرمین پی سی بی احسان مانی نے شاہی جوڑے کا استقبال کیا ، شاہی جوڑے نےاکیڈمی میں کرکٹ بھی کھیلی ۔