ہالہ میں المناک حادثہ۔13افراد جاں بحق، 3 زخمی

سندھ کے ضلع مٹیاری میں ٹریفک حادثے کے نتیجے میں 13 افراد جاں بحق اور 3 زخمی ہو گئے۔

افسوسناک حادثہ نیو سعید آباد کے قریب باروچو باغ کے قریب پیش آیا جہاں کراچی جانے والی تیز رفتار مسافر کوچ نے مزدوروں سے بھرے رکشے کو ٹکر مار دی جس میں 13 افراد جاں بحق اور 3 زخمی ہوئے۔

ریسکیو عملے نے فوری کارروائی کرتے ہوئے جاں بحق افراد کی لاشوں اور زخمیوں کو نکال کر اسپتال منتقل کیا جہاں زخمیوں کو تعلقہ ہسپتال نیو سعید آباد میں طبی امداد دی جا رہی ہے، کوچ اور ڈرائیور کو پولیس نے اپنی تحویل میں لے لیا۔