کیماڑی آئل ٹرمینل میں لگی آگ سے جھلسنے والے 2 زخمی انتقال کر گئے

کیماڑی آئل ٹرمینل میں لگی آگ سے جھلسنے والے 2 زخمی انتقال کر گئے جس سےحادثے میں جاں بحق ہونے والوں کی تعداد 4 ہوگئی جبکہ ایک زخمی سول برنس آئی سی یو میں زیر علاج ہے۔
خیال رہے کہ گزشتہ دنوں کراچی کے کیماڑی آئل ٹرمینل پرآگ لگنے سے 2 افراد جھلس کر جاں بحق اور چار افراد زخمی ہوگئے تھے۔
آگ کیماڑی آئل ٹرمینل ون میں پیٹرول کے یونٹ میں لگی تھی اور جاں بحق ہونے والے دونوں افرادکچھی پاڑہ کےرہائشی تھے اور آگ لگنے کے وقت دونوں افراد آئل ٹرمینل میں کام کررہے تھے۔