لندن میں نواز شریف کے گھرکا گھیرائو۔”گونوازگو“کے نعرے

نواز شریف کی لندن میں رہائش گاہ کے باہر پاکستانی شہریوں نے احتجاجی مظاہرہ کیا۔

نجی ٹی وی کے مطابق سابق وزیراعظم کی رہائشگاہ ایون فیلڈ اپارٹمنٹس کے باہر نقاب پوش افراد نے احجاجی مظاہرہ کیا، مظاہرین نے ہاتھوں میں پلے کارڈ اٹھا رکھے تھے، پلے کارڈز پر”گونوازگو“کے نعرے درج تھے۔

لندن میں پارک لین ایون فیلڈ میں نواز شریف کی رہائشگاہ کا گھیراو pic.twitter.com/2UhHODwyUL

— Naya Daur Urdu (@nayadaurpk_urdu) September 27, 2020

نواز شریف کے گھر کے باہر مظاہرہ کرنے والے افراد نے ماسک لگا رکھے تھے، تھوڑی دیر احتجاج کے بعد یہ لوگ منتشر ہوگئے۔

شریف فیملی کے مطابق پولیس کو واقعے سے آگاہ کردیا گیا ہے۔ لندن پولیس کا کہنا ہے کہ مظاہرین نے احتجاج کے لیے اجازت نہیں مانگی تھی اورکورونا کے باعث 6 سے زائد افراد کے اکٹھے ہونے کی اجازت نہیں۔ پاکستان تحریک انصاف برطانیہ نے احتجاجی مظاہرے سے لاتعلقی کا اعلان کردیا۔