ایم کیو ایم نے مزید وزارت لینے سے انکارکردیا

متحدہ قومی موومنٹ پاکستان نے حکومت کی وزارت کی پیشکش مسترد کرتے ہوئے کراچی کے شہریوں کیلیے روزگاراور مسائل حل کرنے کا مطالبہ کر دیاہے ۔

تحریک انصاف کی قیادت نے اپنے اتحادی ایم کیوایم سے رابطہ کیاہے جس دوران سینئر وزیر کی جانب سے کابینہ میں وزارت کی پیشکش کی گئی ہے ، سینئر وزیر نے وزارت آبی وسائل کیلیے خالد مقبول سے نام مانگا لیکن ایم کیوایم نے تحریک انصاف کی پیشکش مسترد کردی ۔

ذرائع ایم کیوایم کا کہناتھا کہ ہمیں مزید کوئی وزارت نہیں چاہیے ، ایک وزارت کا سیاسی بوجھ نہیں سنبھال پا رہے ہیں ، کراچی والوں کو روزگار مل رہاہے ارو نہ ہی مسائل حل ہو رہے ہیں ، کے پی ٹی میں نوکریاں آتی ہیں تو کراچی والوں کیلیے جگہ نہیں ہوتی ، پہلے لوگوں کے مسائل ، وعدے پوراور نوجوانوں کو روزگار دیں ، وزارت سے کیا عوام کی خدمت ہو گی ،کراچی والوں کو کیا جواب دیں گے ۔