جنید صفدر کے نکاح کی تصاویر اور ویڈیو سامنے آگئی

پیر 23 اگست 2021, 11:54 صبح آخری اپ ڈیٹ پیر 23 اگست 2021, 1:36 شام اہم خبریں, قومی

لندن:مسلم لیگ ن کی نائب صدر مریم نواز کے صاحبزادے جنید صفدر کے نکاح کی ویڈیو سامنے آگئی۔

صحافی مرتضیٰ علی شاہ نے جنید صفدر کے نکاح کی ویڈیو اپنے ٹوئٹر اکاؤنٹ پر شیئر کی ہے۔ ویڈیو میں دیکھا جاسکتا ہے کہ جنید صفدر نے نکاح نامے پر دستخط کرنے کے بعد اپنی دلہن سے بھی دستخط کرائے۔

Junaid Safdar’s nikkah formalised pic.twitter.com/oOumr2xRnz

— Murtaza Ali Shah (@MurtazaViews) August 22, 2021

جنید صفدر کے دائیں جانب ان کے نانا سابق وزیر اعظم نواز شریف اور سابق وزیر خزانہ اسحاق ڈار بیٹھے ہوئے نظر آ رہے ہیں۔ویڈیو میں دلہن کے والد سیف الرحمان کو اپنی صاحبزادی عائشہ سیف خان کے ساتھ بیٹھے ہوئے دیکھا جاسکتا ہے۔

مسلم لیگ( ن) کی نائب صدر مریم نواز نے اپنے بیٹے جنید صفدر کے نکاح کی تصاویر شیئر کردیں۔

سماجی رابطے کی ویب سائٹ ٹوئٹر پر اپنے ایک پیغام میں مریم نواز نے جنید صفد راورعائشہ سیف کے نکاح کی تصاویر شیئر کرتے ہو ئے لکھا کہ ’ اللہ ہمیشہ خوش اورآباد رکھے‘۔